( وصــاة العــود ) .!!

سلام عليكم

مساء الخير جميعا ً

ابيات عسى ان تنال استحسانكم

صلوا على النبي



.
.





يالله يـاواهـب ٍ نفـسـي مطالبـهـا
وأن قصـرت يـا إلـهـي لاتعذبـهـا
عليك وكّلت الأمر وجيـت مـذع ٍ لـك
وآمنـت بـأن الحيـاة أيـام ماذهبهـا
آمنت بـ.. البرزخ وبـ.. النار والجنـة
ونفس الأبن آدم على الدنيـا يحاسبهـا
آمنـت بـأن القـدر مكتـوب ومقـدّر
مهما حصل من صدوف الـرب كاتبهـا
اخذت لي فـي مياديـن الزمـن جولـة
سجيب بـ.. أرض الوسيعة في مناكبهـا
عرفـت بـأن الحيـاة دروس ومثابـر
والرابـح اللـي حياتـه مـا يخربـهـا
وانا مـن دروسهـا عايشـت واقعهـا
اصبحـت فيهـا مـن الايـام طالبـهـا
ميّزت فيها مـن المجنـون والصاحـي
ميّزت نفسي مـع مـن هـو يناسبهـا
وميّّـزت فيهـا الاوادم مـن معادنهـا
حتى عرفت اللحـى تحمـي شواربهـا
ميّزت فيها عـدوي واقـرب اصحابـي
ميّـزت بـأن الحـرار إلهـا مخالبهـا
وعـد الرهـى بيـن ورادة وصــدارة
ولا آرد الا لـيـا حمـيّـت مناكبـهـا
المرجلة ماهي بـ.. تاتي على الساهـل
الا علـى اللـي يكمـل فـي مطالبهـا
وانا على دربهـا سقـت القـدم حتـى
رزيت الاعلام فـوق اعلـى مناصبهـا
وخذيت لي من شغاميـم العـرب خـوة
اللي علـى الطايلـة تشعـب ركايبهـا
اللي تنومـس علـى العليـا روابعهـا
من طيب ساس المناسب فـي مناسبهـا
ماهي من اللي تبيـع الخـوة وتشـري
في سـوق مابيـن سايمهـا وجالبهـا
أرفع مقامي ولا أفخـر فـي مخاواهـا
ولا أتشـرف براعيـهـا وصاحبـهـا
متمسك ٍ فـي وصـاة العـود ومجـوّد
علـى كلامـه / وحافظهـا ومقطبهـا
على طريقه مشيت ورحت فـي نهجـه
واهـل السلـوم القديمـة مـا نجنبهـا
يكفي ليا مـن بغيـت اجـر لـي جـره
أرفع بـ.. صوتي على المرقاب وأسحبها
[ يالله وانا طالبك عطنـي هـوى بالـي
حمرا ً من الجيـش طفاحـا ً جنايبهـا ]







وسـلامتكم .,