(( وسام الزين ))

الهاجس اللي لاسرى ياصل الشـام
هـمٍ علـى رب العبـاد انفراجـه
ياتي مع الدالـه مـن الهـم لانـام
ويسري لمن طفى الشقاوي سراجه
جدد علي جرحٍ قديـمٍ لـه أعـوام
قده يتماثـل للشفـا مـن علاجـه
وعود على جرح الليالـي والايـام
واركى على الميسم ولاعاد ماجـه
يسري بتفكيري على موج الاوهـام
الـى مكـانٍ كـان فيـه انتواجـه
آجيه واذكر مامضى مثل الاحـلام
معى غذا قلبـي وسبـة خلاجـه
متـردد مـن جيتـه قدلـي ايـام
اخاف لامن جيت اسبب احراجـه
الناس كلاً عنده ظـروف واحكـام
والمشي في بعض الطرايق عواجه
مانيب سامع فيـه عـاذل ولـوام
القلـب بيتـه والحنايـا سيـاجـه
لو اوصفه حطمت بالوصف الارقام
ماغير من عينه وسكبـة حجاجـه
لكن لو ان الزين له تـاج ووسـام
والله لاقـدم لـه وسامـه وتاجـه